الواحد لما بيضعف ..

-
الواحد لما بيضعف ...

كتير قوى بنضعف فى حياتنا مع المشاكل والمعوقات اللى بنلاقيها .. لما حلم بنحلمه ميتحققش ... لما نفشل فى اختيار احنا اختارناه .. لما نلاقى هجوم من ناس حوالينا .. لما شخص كنا عاوزينه جمبنا بس مكانش موجود وسطنا ، كان وسط غيرنا او ممكن مش موجود فى العالم ده و لما و لما و لما  ....
حياتنا كلها اصلا ضعف :(
كلها طوب بيتحدِف عليك زى الجمرات اللى بترميها على الشيطان لما تطلع حج لبيت الله ...
هى كده الحياة .. لو انت مشوفتش تعب.. مش هتقول أنا كويس ...
لازم نشوف الشىء ونقيضه .. علشان نفرح و نزعل .. علشان نعمل فعل لرد الفعل
علشان نطبق الفيزيا والكيميا وكل حاجة حوالينا !
بس يا ترى السؤال .. احنا لما بنضعف بنحتاج ايه ؟
هل بنحتاج حد قوى يبقى سند لينا ونستقوى بيه ؟ و لا هل فى عز ضعفنا بتغلبنا الغيرة إننا نطلب مساعدة حد نجح فى حياته واحنا لأ ؟ ولا هل بندور على حد فشل أكتر مننا وأضعف مننا علشان نستقوى عليه ونحس إننا لسه بخير وإننا أقوياء رغم ضعفنا ؟
الحقيقة ده كله بيختلف على حسب تعاملاتنا وأخلاقنا .. مش بعيد تعملهم كلهم وقت ضعفك
إنك تضعف أكتر و متتحرجش تظهر ضعفك قدام حد قوى لإنه غالى عليك وقوتكم من قوة بعض .. حتى لو هو قوى وانت لأ ...
وإنك برضه بتدارى ضعفك قدام ناس تانى شايفهم ناجحين و غيرتك بتمنعك تقولهم " أنا ضعيف " وكرامتك كذلك ...
وإنك للأسف بتدور وتلف على حد ضعيف قوى علشان تطلع قوتك عليه وتقوله " أنا لسه قوى ! " ... بتبقى عامل زى الملك اللى صحته مباقتش تساعده يتحرك فيجيب الخدم ويضربهم ويهزقهم بالظلم ... بتستغل إن مهما كنت ضعيف ف فى دايما الأضعف منك وتلاقيه ! ليه ؟ علشان تضعفه أكتر وتستقوى إنت أكتر ...
و الحقيقة إن ده كله مش مهم ، أهم حاجة هى انت !
وقت ضعفك ما هو إلا مجرد لحظة راحة ليك علشان ترجع أقوى ..
و ركز فى الجملة .. ترجع أقوى مش أقسى !

رأيى ..

تعليقات

إرسال تعليق

المشاركات الشائعة من هذه المدونة

عودة فاشلة بعد زمن ...

-
عودة بعد زمن ... نخاف التعامل .. نخاف التصرف .. نخاف الحياة و نخاف الحب ..  ثم ماذا ؟ لا نتعامل جيدا .. لا نتصرف جيدا .. لا نحيا و لا نحب .. ثم ماذا ؟ ثم نموت فى حياة لم تمت .. ونعيش فى مكان لا نُرى فيه و مع أناس لا نحبهم ولا نرى أنفسنا معهم .. ثم ماذا ؟ ثم نخاف التعامل .. نخاف التصرف .. نخاف الحياة و نخاف الحب  .. أرأيتم التكرر ؟  إنها الدائرة التى سرعان ما تختبىء بدايتها وتُرى كاملة لا نقص فيها ثم نتابع إلى أن يصبح لا تعامل جيد و لا تصرف سليم ولا حياة نرضى بها ولا حب يكفينا ولا أى شىء سوى نحن و من نكون نحن حينها إلا لا شخص ؟ ثم فى نهاية هذه الدائرة حيث الانفجار أو الدفن ..موت لا تعقبه حياة وحساب على حياة كنا أمواتا فيها 
قراءة المزيد

أترى عودة أم ذهاب بلا عودة ؟

-
" مللتُ الوحدة يا الله " هكذا خرجتْ هذه الجملة منْ شفتى الفتاة بصوت مبحوح فقدَ شدته من كثرةِ الدموع .. أمامه فقطْ لا تقدر على تقييد أول دمعة و  التى تسبقُ السيلُ الغزيرُ على خديها الرقيقين .. أمامهُ تتكلمْ وتشتكى .. تظهر ضعفها القوى منه والضعيف .. أمامه تنكسر روحها وتتهشهشُ إلى قطع صغيرة جدا .. تثقُ ب أنه لا عودة إلى روحٍ قد كُسرت .. فمتى سمعنا عن طبيبٍ رو حى  تعانق روحه أرواح الآخرين المكسورة فتضمدها ؟... لمْ يكنْ هناكَ قطْ عودة لروح مكسورة فطريقها اتجاه واحد إلا لو شاء ريى .. أتُرى يشاء الله معها عودة ؟ أم يا ترى يشاء لها ذهابٌ بلا عودة .. ؟
قراءة المزيد

وبديهيا أن غيابهم بلا مبرر ستقابله عودة بلا تمسك ..

-
ليس ما يؤلمنا هو غياب الأشخاص واختفائهم ، ما يؤلمنا هو غياب بعضهم " نصف " غياب .. نعم ، ف بإرادتنا واختيارنا نقرر نحن أن نجعل لهم غياب مؤقت ، نقرر أن نوارب الباب ونفتح النوافذ لعلهم عندما يقررون عودة يرون الطريق مضىء فيعودون ..  فكرت كثيرا فى أشخاص قد غابوا عن حياتى وقد طوت الصفحات وجودهم رغم أساسية و ضرورية وجودهم فى حياة من هم مثلى من الأشخاص .. فكرت فى أننى خدعت نفسى سنوات طوال بأنى نسيتهم أو كرهتهم ، لم أدرك أن هذا لم يكن إلا مبرر واهن و خداع سىء لى ، ضحكت فلقد رأيت أحمقا يخدع نفسه بنفسى .. أتسائل لماذا لم أردم هذه الغرفة والنوافذ والأبواب ، لماذا أردت أن أحتفظ ببقايا لهم ثم أنساها ؟ وليكتمل السيناريو وليصح وصف أننى حمقاء ، لقد أرادوا العودة ! وبديهيا أن غيابهم بلا مبرر ستقابله عودة بلا تمسك .. بلا تمسك منهم بالطبع أما أنا فبدأت بتزيين الغرفة وتنظيفيها من بقايا تراب تكون من سنين غياب طويلة ، بدأت أسمح للضوء بأن يمر ، فتحت كل المنافذ لإستقبالهم ، لإستقبال أصحاب الغرفة الذين اشتاقت لهم الروح  تهمس الجدران الآن بإسمهم بعد ان كانت تئن بها سنوات طوال مضت ، بعد أن سكنَ الصو...
قراءة المزيد